മഴനൂലുകള്‍ ‍/ Mazhanoolukal

പൊയ്‌പോയ കാലത്തിന്റെ ശേഷിപ്പുകളില്‍
എന്നെ തിരഞ്ഞ് സമയം പാഴാക്കരുത്
ഏറയിഷ്ടമുള്ള ചെമ്പകങ്ങള്‍ പൂക്കുമ്പോള്‍
എന്നെ തേടി വെറുതേ അലയരുത് നീ
മഷിപടര്‍ന്ന അക്ഷരകടലസില്‍ ഇനി
എന്റെ പ്രണയം വായിക്കാന്‍ ശ്രമിക്കരുത്
നീ നെഞ്ചേറ്റിയ പ്രണയഗാനങ്ങളില്‍ ഞാനില്ല
കാരണം ഞാന്‍ ഒരിക്കലും പ്രണയിച്ചിട്ടില്ല

നീ പറഞ്ഞവാക്കുകളിലും എന്റ മൗനങ്ങളിലും
എന്റെ പ്രണയത്തെ തിരയാന്‍ മുതിരരുത് നീ
ഒരു ചെമ്പനീര്‍ പൂവുപോലും ഒരിക്കലും നിനക്ക്
പൊട്ടിച്ചു തരാന്‍ എനിക്ക് തോന്നിയിട്ടില്ല
വാക്കുകകളാല്‍ നിന്നെ മുറിവേല്പിച്ചു ഞാന്‍
കാരണം ഞാന്‍ ഒരിക്കലും പ്രണയിച്ചിട്ടില്ല

കാവിലേക്ക് നീളുന്ന വഴിയില്‍ ഇനി നീ
എന്നെയും കാത്തു നില്‍ക്കാന്‍ മിതിരരുത്
മുനകൂര്‍ത്ത വാക്കുകള്‍ ഞാന്‍ എറിഞ്ഞാല്‍
നിന്റെ മനസ്സില്‍ ഇനി ചോരപൊടിയരുത്
വര്‍ണ്ണങ്ങള്‍ വറ്റിയ ഒരു മനസ്സാണനിക്ക്
കാരണം ഞാന്‍ ഒരിക്കലും പ്രണയിച്ചിട്ടില്ല

എന്തുകൊണ്ട് ഞാന്‍ നിന്നെ പ്രണയിച്ചില്ല
തിരഞ്ഞുവോ എപ്പോഴങ്കിലും നീയതിന്നുത്തരം
നിന്റെ കണ്ണുകളില്‍ ഞാന്‍ പ്രതിഫലിച്ചപ്പോള്‍
അറിഞ്ഞുവോ എന്റെ മനസ്സില്‍ പ്രണയമില്ലന്ന്
നിറവില്ലാത്ത ഹ്യദയത്തില്‍ ജനിക്കാതെപോയ
എന്റെ പ്രണയത്തിനായ് ഇനി നീ കാക്കരുത്
കാരണം നാവില്ലാത്ത എനിക്ക് വാക്കുകളില്ല
ഹ്യദയമില്ലാത്ത എന്നില്‍ പ്രണയവര്‍ണ്ണവുമില്ല