Search this blog


Home About Me Contact
2007-07-13

കൊറിയയിലെ വസന്തം 2007...ഫോട്ടോഫ്ലാഷ്  

പൂക്കളെ ഇഷ്ടമല്ലാത്തവര്‍ ആരാണ്‌....മഴയെ ഇഷ്ടമല്ലാത്തവര്‍ പോലും പൂക്കളെ സ്നേഹിക്കും......ജീവിതത്തില്‍ സ്വന്തം വീടിന്റെ മുറ്റത്ത് ഒരു ചെടിയങ്കിലും നട്ടിട്ടില്ലാത്തവര്‍ ആരാണ്.....പൂക്കാലം എന്നും എനിക്കു ഹരമാണ്‌.......കൊറിയയിലെ വസന്തകാലം......അത് അനുഭവൈക്കുമ്പോഴേ അറിയൂ..........ജിയോങ്സാങ് സര്‍വ്വകലാശാലയിലെ കഴിഞ്ഞ വസന്തത്തിലെടുത്ത ചില ചിത്രങ്ങള്‍................


നമ്മുടെ നാട്ടിലെ മുക്കുറ്റിപോലെ തോന്നുന്ന ഒരു ചെടി......ഇലകളും പൂക്കളും നമ്മുടെ മുക്കുറ്റിയോട് നല്ല സാദ്യശ്യമുണ്ട്......മുക്കുറ്റിയെക്കാള്‍ കുറച്ചുകൂടി വലുതാണ്‌ ഈ പൂക്കള്‍......

പാറകളുടെ ഇടയില്‍ വളര്‍ന്ന് പൂത്തു നില്‍ക്കുന്ന ഒരു ചെടി.....വസന്ത കാലത്ത് ഈ പൂക്കള്‍ ഇവിടെ സാധാരണമാണ്‌.....കൊറിയന്‍സിന്‌ ഏറ്റവും ഇഷ്ടമുള്ള നിറവും ഇതുതന്നെ.........

ഈ ചെടികളുടെ ഒന്നും പേര്‌ എനിക്കറിയില്ല......ഇവിടെ പൂക്കാലത്ത് എല്ലാ ചെടികളിലും പൂക്കള്‍ മത്രമേ കാണൂ......ഒരുപുക്ഷേ ശിശിരകാല്‍ത്ത് ഇലകള്‍ മുഴവനായ് കൊഴിയുന്നതുകൊണ്ടാകാം.........


ശിശിരം കഴിഞ്ഞ് ഇലകള്‍ തളിരിടും മുന്‍പേ പൂക്കള്‍ വരും ഈ ചെടികള്‍ക്കെല്ലാം......പൂത്തുനില്‍ക്കുന്ന ഒരു പാഴ്ചെടി..........

നമ്മുടെ നാട്ടിലെ പനിനീര്‍ പൂപൊലെയുള്ളതാണ്‌ ഈ പൂക്കള്‍.....മണവും അതുപോലെ തന്നെ......പക്ഷേ ചെടിക്ക് പനിനീര്‍ ചെടിയുമായ് ചെറിയ സാദ്യശ്യമുണ്ടങ്കിലും ഇത് പനിനീര്‍ ചെടി അല്ല........

പനിനീര്‍ പൂ പോലെ മനോഹരം.......ചെടിയില്‍ ചെറിയ മുള്ളുകളും കാണാം.............

വര്‍ഷകാലത്ത് ഇലകള്‍‍മാത്രം......ശിശിരകാലത്ത് ഉണങ്ങിയ മരം പോലെ.......ഇലകളോ പൂക്കളോ കാണില്ല.....വസന്ത കാലത്ത് നിറയെ പൂക്കള്‍ മാത്രം...........പൂക്കളുടെ ഭാരംകൊണ്ട് കൊമ്പുകള്‍ ചാഞ്ഞു വരും......



പൂക്കളുടെ ഭാരംകൊണ്ട് കൊമ്പുകള്‍ ചാഞ്ഞ്‌ തറയിലോളം മുട്ടിനില്‍ക്കുന്നു.............

നട്ടിലെ ശീമകൊന്നയുടെ പൂക്കള്‍ പോലെയുള്ളതാണ്‌ ഈ പൂക്കള്‍......പക്ഷേ പൂക്കള്‍ നല്ല വയലറ്റ് നിറമുള്ളതാണ്‌.....യൂണിവേഴ്സിറ്റിക്കുള്ളിലെ ഒരു കുന്നിന്‍ ചരിവില്‍നിമ്മുള്ള ചിത്രം.........


നമ്മുടെ നാട്ടിലെ നമ്പ്യാ‌‌ര്‍‌വട്ടം‌പോലെയാണ്‌ ഈ പൂക്കള്‍..........എന്നാല്‍ നമ്പ്യാ‌‌ര്‍‌വട്ടം‌ അല്ല......ഈ പൂക്കളുടെയും പേര്‌ എനിക്കറിയില്ല............

ആക്യതിയിലും വലിപ്പത്തിലും ഒരേപോലെയുള്ള പൂക്കള്‍........തറയില്‍ പട‌ര്‍ന്നാണ് വളരുക.............ഇതിന്റെ പലനി‌റത്തിലുള്ള പൂക്കള്‍ കാണാം............
ആക്യതിയിലും വലിപ്പത്തിലും ഒരേപോലെയുള്ള പൂക്കള്‍........ഇതിന്റെ പലനി‌റത്തിലുള്ള പൂക്കള്‍ കാണാം............


നല്ല തൂവെള്ള നിറമാണ്‌ ഈ പൂക്കള്‍ക്ക്‌....വെളുത്ത പൂക്കള്‍ക്ക്‌ എപ്പോഴും നല്ല മണമുണ്ടാകും......പക്ഷേ ഈ പൂക്കള്‍ക്ക്‌ വാസന ഇല്ല.........




ഇത് പൂക്കള്‍ അല്ല വെറും ഇലകള്‍ മാത്രം.............


ദൂരെ നിന്നു നോക്കിയാല്‍ പൂക്കളാണന്നേ തോന്നൂ..........ഇതും വെറും ഇലകള്‍ മാത്രം.............


ഈ പൂക്കള്‍ ഞാന്‍ വടക്കേ ഇന്ത്യന്‍ സംസ്ഥാനങ്ങളിള്‍ കണ്ടിട്ടുണ്ട്.........ഇതിന്റെ പേരും എനിക്കറിയില്ല......വയലറ്റ് നിറത്തിലുള്ള ഈ പൂക്കള്‍ മനോഹരമല്ലേ?..........

ഈ പൂക്കള്‍ ബാഗ്ലൂരിലെ ലാല്‍ബാഗിലും കാണാം....


ഈ പൂക്കള്‍ ബാഗ്ലൂരിലെ ലാല്‍ബാഗിലും കാണാം....





എന്റെ ഹോസ്റ്റലിനുമുമ്പിലുള്ള ഒരു വള്ളിക്കുടില്‍..........ഇവിടെ സ്നാക്സും കോഫിയും ഒക്കെ കിട്ടും....പൈസ ഇട്ട്‌ ബട്ടന്‍ അമര്‍ത്തിയാല്‍ മതി...........

എന്റെ ഹോസ്റ്റല്‍ മുറിയുടെ പുറകുവശം.....

2007-07-12

മൈസൂര്‍...ഒരു ഫോട്ടോ ഫ്ലാഷ്  

ബാംഗ്ലൂരിനെ പൂന്തോട്ട നഗരം എന്നു പറയുമ്പോഴും ശരിക്കും മൈസൂറിനാണ് ആ പേര് ചേരുക എന്നാണ്‌ എനിക്ക് തോന്നിയിട്ടുള്ളത്. വ്യന്ദാവന്‍ ഗാര്‍ഡന്‍ ആ പേര് അന്വര്‍ത്ഥമാക്കുന്നു...... ഇന്ത്യയിലെ ഏറ്റവും സുന്ദരമായ നഗരം മൈസൂര്‍ ആണന്നതില്‍ സംശയമില്ല...... നാഗരികജീവിതം അത്രയധികം മലീനസപ്പെടുത്താത്ത ഒരു മനോഹര നഗരം.....ചരിത്ര പരമായും സാംസ്കാരികമായും പ്രാധാന്യമുള്ളതുകൊണ്ട് ഇവിടം എന്നും സഞ്ചാരികലുടെ പറുദീസയാണ്...... ഇന്ത്യന്‍ ചരിത്രത്തില്‍ സുവര്‍ണ്ണ ലിപികളില്‍ എഴുതപ്പെട്ട ഹൈദരാലിയും ടിപ്പുസുല്‍ത്താനും വീരഗാധകള്‍ രചിച്ചത് ഈനഗരം ആസ്ഥാനമാക്കിയാണ്‌.....മനോഹരങ്ങളായ പൂന്തോട്ടങ്ങളും കൊട്ടാരങ്ങളും അമ്പലങ്ങളും ധാരളമുള്ള മൈസൂര്‍ നഗരം പ്രക്യതിയോട് ഇഴുകിചേര്‍ന്നുനില്കുന്ന നഗരംകൂടിയാണ്‌.......മൈസൂര്‍ എന്നും എന്റെ സ്വപ്നങ്ങളുടെ താഴ്വാരം തന്നയാണ്‌..............




കൊട്ടാരങ്ങളുടെ നഗരം (City of Palaces)എന്നാണ്‌ മൈസൂര്‍ വിളിക്കപ്പെടുന്നത്.... മൈസൂര്‍ എന്ന് കേള്‍ക്കുമ്പോള്‍ ആദ്യം നമ്മുടെ മനസ്സില്‍ ഓര്‍മ്മവരുന്നത് എന്താണ്‌? മൈസൂര്‍ പാലസ്.....ഇന്ത്യയിലെ ഏറ്റവും മനോഹരമായ പാലസ് മൈസൂര്‍ പാലസ് ആണ്‌......1897-ല്‍ തുടങ്ങിയ പാലസിന്റെ പണി 1912ലാണ്‌ പൂര്‍ത്തിയായത്......പാലസിന്റെ നിര്‍മ്മാണ ചിലവ് 42 ലക്ഷം രൂപയായിരുന്നു അന്ന്.....


വൈദ്യുത ദീപങ്ങളാല്‍ പ്രകശിതമായ മൈസൂര്‍ കൊട്ടാരം......എല്ലാ ഞായറാഴ്ചകളിലും സഞ്ചാരികള്‍ക്ക് ഈ സൗന്ദര്യം ആനുഭവിക്കാം.....കൊട്ടാരം വൈദ്യുത ദീപങ്ങളാല്‍ പ്രകശിതമാകുമ്പോള്‍ ദര്‍ബാര്‍ ഹാളില്‍ നിന്നു‌മുയരുന്ന തനതു കര്‍ണ്ണാടക സംഗീതത്തിന്റെ ശീലുകള്‍ അമ്പലപ്പുഴ പാല്പായസംത്തേക്കാള്‍ മാധുര്യമേറിയതാണ്...ഇതുവരയും റെക്കോര്‍ഡ് ചെയ്യപ്പെട്ടിട്ടില്ലാത്ത സുന്ദര സംഗീതം.....മൈസൂറിലുള്ളപ്പോള്‍ എല്ലാഞായറാഴ്ചകളിലും ഈ സംഗീതമധുര്യ‌മാസ്വദിക്കാന്‍ ഞാനും എന്റെ സുഹ്യത്ത് സതീഷും ദര്‍ബാര്‍ ഹാളിനുമുന്‍പില്‍ ഉണ്ടാകുമായിരുന്നു..............

ഈട്ടിയില്‍ തീര്‍ത്ത ചൈനീസ് ബൊമ്മകൊലു.....പാലസിന്റെ മതില്‍കട്ടിനു വെളിയിലുള്ള കരകൗശല കടയില്‍ നിന്നുള്ള ഒരു ഫോട്ടോ.....


ഈട്ടിയിലും ചന്ദനത്തിലുമായ് കടഞ്ഞെടുത്ത ഗീതോപദേശം......


ഈട്ടിയിലും തേക്കിലും ചെയ്തെടുത്ത ചിത്ര പണികളുള്ള ആഭരണ പെട്ടികള്‍............പിത്തള തകിടുകള്‍ കൊണ്ട് മോടിപിടിപ്പിച്ചവയാണ്‌ കൂടുതലും.....


വിലപനക്ക് തയ്യാറായിരിക്കുന്ന ഈട്ടിയില്‍ ചെയ്‌തെടുത്ത കരകൗശല വസ്തുക്കള്‍... പാലസിന്റെ മതില്‍കട്ടിനു വെളിയിലുള്ള കരകൗശല കടയില്‍ നിന്നുള്ള ചിത്രം.....


രാധാക്യഷ്ണന്‍.....ഫ്ലാഷ് വീണപ്പോള്‍ ചിത്രം വികലമായോ എന്നൊരു സംശയം.....


പാലസിനോടു ചേര്‍ന്നുള്ള പൂന്തോട്ടത്തില്‍ നിന്നുള്ള ഒരു ദ്യശ്യം.......

വഴിയില്‍ കണ്ട ഒരു പേരാല്‍........വേരുകള്‍ തൂങ്ങി ഒരു മുതുമുത്തഛന്‍............


യാത്രക്കിടയില്‍ കണ്ട് ഒരു പാലം......വെറുതെ എടുത്ത ഒരു ചിത്രം.................

ബാംഗ്ലൂര്‍..ഒരു ഫോട്ടോ ഫ്ലാഷ്  


ഇന്ത്യയിലെ ഗ്രീന്‍ സിറ്റി ക്ലീന്‍ സിറ്റി എന്നുവിശേഷിപ്പിച്ചിരുന്ന നഗരം...ഇന്ന് ആ പേരുമാറി I.T സിറ്റി എന്നായിരിക്കുന്നു. അതെ കര്‍ണ്ണാടകയുടെ തല‌സ്ഥാനമായ ബാംഗ്ലൂര്‍ നഗരം. സോഫ്റ്റ്വെയര്‍ കമ്പനികള്‍ ബാംഗ്ലൂരിലേക്കൊഴുകിയപ്പോള്‍ നഗരം മലിനമായി....ഇന്ത്യയിലെ എല്ലാ സംസ്ഥാനത്തുനിന്നുമുള്ള യുവതലമുറ നഗരത്തിലേക്ക് ചേക്കേറി....കാലാവസ്ഥയും സംസ്കാരവും മാറി...ദിവസംതോറും ബാറുകളുടെയും പബ്ബുകളുടെയും എണ്ണം കൂടുകയാണ്. കേരളത്തില്‍ നിന്നും നേഴ്സിം വിദ്യാര്‍ത്ഥിനികള്‍കൂടി ബാംഗ്ലൂരിലേക്കൊഴുകിയപ്പോള്‍ സോഫ്റ്റ്വെയര്‍ പ്രഫഷണലുകളുടെ ജീവിതം ഉത്സവമായി......ബാംഗ്ലൂരില്‍ നിന്നും കേരളത്തിലേക്ക് പുറപ്പെടുന്ന ആഡംബര ബസുക‌ള്‍ സഞ്ചരിക്കുന്ന മണിയറകളാണ്....തെറ്റുചെയ്യുന്നവര്‍ പ്രതികരിക്കട്ടെ.....തെറ്റുചെയ്യാത്തവ‌ര്‍ ക്ഷമിക്കട്ടെ.....പൂന്തോട്ട നഗരത്തില്‍ നിന്നുള്ള ചില ഫോട്ടോ പരീക്ഷണങ്ങള്‍.....

ചെങ്ങന്നൂര്‌നിന്നും ബാംഗ്ലൂരിലേക്കൊരു യാത്ര......കന്യാകുമരി ബാംഗ്ലൂര്‍ ഐലന്റ് എക്സ്പ്രസ്.........ഇതായിരുന്നു എന്റെ സ്ഥിരം വണ്ടി........

ബാംഗ്ലൂരിലേക്കുള്ള ഒരു യാത്രയില്‍ ഒപ്പിയെടുത്ത പാലക്കാടിന്റെ സൗന്ദര്യം.............ട്രയിനില്‍ നിന്നും എടുത്ത ചിത്രം.............


ഈ റോഡുകള്‍ എവിടയും അവസാനിക്കുന്നില്ല....ഇന്ത്യയിലെ മറ്റ് നഗരങ്ങളെ അപേക്ഷിച്ച് പൊതുവെ ഇടുങ്ങിയതും തിരക്ക് കൂടിയതുമാണ്‌ ബാംഗ്ലൂരിലെ റോഡുകള്‍.......


എത്ര മനോഹരം ഈ റോഡുകള്‍......ഇന്ത്യയില്‍ ഞാന്‍ സഞ്ചരിച്ച മറ്റൊരു നഗരത്തിലും ഇത്ര മനോഹരമായ റോഡുകള്‍ കണ്ടിട്ടില്ല..........നഗരഹ്യദയത്തിലെ ഒരു റോഡ്.....


വിധാന്‍ സൗധ്...ഗ്രാനൈറ്റില്‍ കടഞ്ഞെടുത്ത കവിത.....നഗര മധ്യത്തില്‍ എല്ലാ പ്രൗഡിയോടയും തലയുയര്‍ത്തിനില്‍ക്കുന്ന ഭരണ സിരാകേന്ദ്രം.... ബാംഗ്ലൂരിലെ കുബ്ബോണ്‍ പാര്‍ക്കിലാണിത് സ്ഥിതിചെയ്യുന്നത്.....ഇന്ത്യയിലെ ഏറ്റവും മനോഹരമായ കെട്ടിടങ്ങളില്‍ (one of the most magnificant buildings) ഒന്നാണിത്....നിയോദ്രവീഡിയന്‍ മാത്രകയില്‍ നിര്‍മ്മിച്ചിരിക്കുന്ന ഈ കെട്ടിട സമുച്ചയം എല്ലാ ഞയറാഴ്ചയും വൈദ്യുത ദീപങ്ങളാല്‍ (Floodlit) പ്രകാശിതമായിരിക്കും....നാലു നിലകളുള്ള ഈ കെട്ടിടത്തിന്റെ മൊത്തം വിസ്തീര്‍ണ്ണം 50,000 ചതുരശ്ര അടിയാണ്.........(ഒരു വൈകുന്നേരം എടുത്ത ചിത്രം)

(ഒരു ഉച്ച സമയത്ത് എടുത്ത ചിത്രം)


(ഒരു വൈകുന്നേരം എടുത്ത ചിത്രം)

ബാംഗ്ലൂരിലെ കസ്തൂര്‍ബാ റോഡിലുള്ള ബ്രിട്ടീഷ് ലൈബ്രറി..... മനോഹരമായ ഈ കെട്ടിടം ആരുടെയും മനം കവരുന്നതാണ്‌......1960 ലാണ്‌ ഈ ലൈബ്രറി തുറന്നത് പ്രവര്‍ത്തനമാരംഭിച്ചത്..... 19775 ബുക്സും 1155 ഡി.വി.ഡി യും ഇവിടെയുണ്ട്. അതില്‍ 2117 I.T ബുക്സാണ്‌....

നിയമങ്ങള്‍ ലംഖിക്കാനുള്ളവയാണന്ന് ബോധപൂര്‍വ്വം വിശ്വസിക്കുന്നവരാണ്‌ പൊതുവെ നമ്മള്‍...നിയമത്തിലെ ലൂപ് ഹോള്‍സ് നോക്കി തെറ്റു ചയ്യാനാണ്‌ നമ്മള്‍ നിയമം പഠിക്കുന്നത്.....ആയിരം കുറ്റവാളികള്‍ രക്ഷപെട്ടാലും ഒരു നിരപരാധിപോലും ശിക്ഷിക്കപ്പെടരുതന്ന് പറയുമ്പോഴും കുറ്റവാളികളെ രക്ഷിക്കാന്‍‌വേണ്ടി നിരപരാധികള്‍ ശിക്ഷിക്കപ്പെടുന്നത് വിരോധാഭാസം തന്നെ.....കര്‍ണ്ണടകയിലെ പരമോന്നത നീതിന്യായപീഠം.....ബാംഗ്ലൂര്‍ ഹൈകോര്‍ട്ടിന്റെ കവാടം.....



പൂക്കളെ ഇഷ്ടമില്ലാത്തവര്‍ ആരാണ്‌?...... കുബ്ബോണ്‍ പാര്‍ക്കില്‍ പൂത്ത ഒരു വാഴചെടി.....


ബ്രിട്ടീഷ് ലൈബ്രറിയുടെ മുന്‍പില്‍ പൂത്തുനില്‌ക്കുന്ന മുസാണ്ട ചെടികള്‍......
വെറുതെ എടുത്ത ഒരു ചിത്രം....
ഹോസ്ക്കോട്ടെ ഇന്‍ഡസ്ട്രിയല്‍ ഏറിയ ബാംഗ്ലൂരിലെ പ്രധാന വ്യവസായ കേന്ദ്രങ്ങളിലൊന്നാണ്‌.....നഗരത്തിന്റെ തിരക്കില്‍ നിന്നും ഏതാണ്ട് 15 കി. മീ ഉള്ളിലാണ്‌. അവിടെ വഴിയരികില്‍ കണ്ട ഒരു പാഴ്ചെടി.....

കുബ്ബോണ്‍ പാര്‍ക്കില്‍നിന്നുമുള്ള ഒരു ചിത്രം..........

കുബ്ബോണ്‍ പാര്‍ക്കിലെ ഒരു വടവ്യക്ഷം.......

റോഡുകള്‍ ഇടുങ്ങിയതും തിരക്ക് കൂടിയതുമാണങ്കിലും വഴിവാണിഭം ഇവിടെ സാധാരണം....ഒരു വഴിയോരകാഴ്ച......

ഗുല്‍മോഹറുകള്‍ നിറഞ്ഞ വഴികള്‍ ബാംഗ്ലൂരിന്റെ ഒരു പ്രത്യേകതയാണ്‌........പൂത്തുലഞ്ഞുനില്‍ക്കുന്ന ഗുല്‍മോഹറുകള്‍ നഗരത്തിന്റെ ചാരുത വര്‍ദ്ധിപ്പിക്കുന്നതോടെപ്പം തണലും തരുന്നു........നഗരത്തിലെ ഒരു കാഴ്ച.....