നാവില്ലാത്ത സ്നേഹം
നിധിയായ് നീ എന്റെ അടുത്തുണ്ടന്നാല്
എനിക്ക് എല്ലാം ഉണ്ടന്നു തോന്നും
ഭൂമിയും, ആകാശവും, നക്ഷത്രങ്ങളും
വസന്തവും ഗ്രീഷ്മവും ശരത്തും
എന്റെ ശിശിരവും വര്ഷവും വേനലും
സ്വപ്നങ്ങളും സ്നേഹവും നീ തന്നെ
നീ ഇല്ലങ്കില് പിന്നെ ഞാനില്ല, എന്നില്
സ്വപ്നങ്ങളില്ലാ ശൂന്യത മാത്രം
പറയാന് ഏറയുണ്ടന്നാകിലും
മൗനം വിഴുങ്ങുന്നെന് വാക്കുകള്
നിശബ്ദതയില് മുങ്ങി വാക്കുകള്
എന് വിരലിന്റെ തുമ്പില് മരിക്കുന്നു
ഇരുട്ട് വന്ന് എന്നെ മൂടുമ്പോള്
നിഴലുപോലും എന്നെ വഞ്ചിക്കുന്നു
അര്ത്ഥ ശൂന്യമങ്കിലും, കേള്ക്കാന്
കൊതിച്ച നിന്റെ മധുര വാക്കുകള്
ജനിക്കാതെ നിന്നില് മരിക്കുമ്പോള്
വ്യര്ത്ഥമാം പ്രതീക്ഷയാണന്നില്
നാവില്ലാത്ത നിന്റെ സ്നേഹം
അക്ഷരമറിയാത്ത പേനയാണ്
എനിക്കെന്തര്ഹത ചോദിച്ചീടാന്
വാക്കിനാലങ്കിലും സ്നേഹിച്ചുകൂടെ
മതിവരാത്ത സ്നേഹത്തിനായ്
ഇനിയത്രനാളിങ്ങനെ യാചിക്കണം?
Saturday, February 28, 2009 1:25:00 PM
നാവില്ലാത്ത നിന്റെ സ്നേഹം
അക്ഷരമറിയാത്ത പേനയാണ്
എനിക്കെന്തര്ഹത ചോദിച്ചീടാന്
വാക്കിനാലങ്കിലും സ്നേഹിച്ചുകൂടെ
മതിവരാത്ത സ്നേഹത്തിനായ്
ഇനിയത്രനാളിങ്ങനെ യാചിക്കണം?
Saturday, February 28, 2009 6:25:00 PM
ഒന്നും മനസ്സിലായില്ല
Saturday, February 28, 2009 8:59:00 PM
പട്ടികളാണ് സ്നേഹം എന്നൊരു സ്പാനിഷ് സിനിമയുണ്ട്. പെട്ടെന്ന് അതോര്ത്തു പോയി.!!
Sunday, March 01, 2009 12:15:00 AM
നല്ല വരികള്..