Search this blog


Home About Me Contact
2008-07-20

ലയനം  

എന്റെ വ്യന്ദാവനം
ഇന്ന്
ഓര്‍മ്മകളില്‍ നിന്നെ തിരയുകയാണ്
അതിന്റെ ഒരുകോണിലിരുന്ന്
ഞാന്‍ നിന്നെ മറക്കാന്‍ ശ്രമിക്കുകയും
ഹ്യദയവും മനസ്സും രണ്ടാണന്നോ?

രാത്രികളില്‍
നിലാവ് വിഴുങ്ങിതീര്‍ക്കുന്ന കാര്‍മേഘങ്ങള്‍
നനഞ്ഞ പ്രഭാതങ്ങള്‍
വരണ്ട സായാഹ്‌നങ്ങള്‍
ഇവ മാത്രമാണ്
ഇന്നെന്റെ ജീവന്‍ പങ്കുവയ്‌ക്കുന്നത്
എനിക്കും നിനക്കുമിടയില്‍
അനന്തമായ അകലം

എങ്കിലും
നനുത്ത വിരലുകലള്‍കൊണ്ട്
നീയെന്റെ ഉള്ളുതൊട്ടുണര്‍ത്തുമ്പോള്‍
നിന്റെ അദ്യശ്യമായ സാമീപ്യം
ഞാനറിയുന്നു

പങ്കുവയ്‌ക്കുമ്പോള്‍
ശരീരം ഭൂമിക്കും
മനസ്സ് എനിക്കും ചേര്‍ത്തുവച്ച
നിന്റെ സൂര്യനേത്രം
എന്റെ ആകാശം നിറഞ്ഞുകത്തുകയാണ്
മനസ്സ് ഉരുകിയൊലിക്കുമ്പോള്‍
നിന്റെ സ്‌നേഹത്തിന്റെ നിറവ്
സിരകളില്‍ അലിഞ്ഞു ചേരുന്നു

ഇപ്പോള്‍ ഞാന്‍ മനസ്സിലാക്കുകയാണ്
നിന്നെ മറക്കുകയെന്നാല്‍ മ്യതിയാണന്ന്
ഞാന്‍, നീ മാത്രമാണന്ന്

- നന്ദിത-

What next?

You can also bookmark this post using your favorite bookmarking service:

Related Posts by Categories



2 comments: to “ ലയനം

  • Dr. Prasanth Krishna
    Wednesday, July 23, 2008 8:49:00 AM  

    പങ്കുവയ്‌ക്കുമ്പോള്‍
    ശരീരം ഭൂമിക്കും
    മനസ്സ് എനിക്കും ചേര്‍ത്തുവച്ച
    നിന്റെ സൂര്യനേത്രം
    എന്റെ ആകാശം നിറഞ്ഞുകത്തുകയാണ്
    മനസ്സ് ഉരുകിയൊലിക്കുമ്പോള്‍
    നിന്റെ സ്‌നേഹത്തിന്റെ നിറവ്
    സിരകളില്‍ അലിഞ്ഞു ചേരുന്നു

  • കുടുംബംകലക്കി
    Thursday, July 24, 2008 10:45:00 AM  

    ആരാണ് ആ ചെല്ലക്കിളി?